ترحيب ياأسياد البلد

ياشباب أخوكم جديد لنج معاكم ممكن ترحيب ...
وأقدم لكم ودي بقصيدة

المسدار

أماتي
القبيل بحنهن لجني كرفة وقلدة كيف شوق اللبن رجني

حزنا جاني
في ميع الصبا يلجني أطلع مني ياجلدي المنمل جني

وأطلع مني
ياحزنا بقا مكجني

خلاني أبدأ
مسداري واودي قفاي لي دارا بقت مي داري

جيتا وجلدي
بينو وبين عضاي الشحمة إلا النار بقت قدامي

جلدي الليلة
بينو وبين عضاي المافي

إلا تراني
شوال الكبس نفاخ جراريب الورم هدامي

في جلدي
الورم قولنلي ولا صحي الورم عضامي

سفريتك مي
الفي النية وميها الكانت محرية

خابراك عريف
ذم العربان ولا قيام الوردية

مالك ؟
تريان ومندي كاسي الكتان والهندي قولك ككيف ترجا البيشان

ولا الغربة
البي الزندي برقا عبدللي للوزن ياطاش ياجاب المزن

فرق للطيف
فعل الغضبان الحزن

وشن القعدة
يا أبو السرة في ضل العمارات أم كمرة برة

ضقنا الحنضل
اليانكي وبلعنا المرة

كملت كوته
التمباك صعقنا الجرة وكت إتقفلت شق ايش قبل بالمرة

نرمي أمرنا في
بلد المعاني الحرة

الشم خوخت
بردن ليلي الحرة والبراق برق من منا جاب القرة شوف عيني الصقير

بي جناحو
كفت الفرة تلقاها أم خدود الليلة مقرت برة

مقت برة
تغلي مديدة الحلبة التسمن عطفها السمن المبستر
يانكي

والويقود
بعيرات الدخان في العين وفي الفشفاش بسوي عمايل

شن فايدة
مديدة الحلبة والويقود بيشلو اليانكي ؟

ياأبو السرة
قامت من دخانين العمي تلمع وشيها اليانكي مستينها كان

اليانكي
مستينها في في مراية السجم في الليل

لقييتها متل
فريخ الطير مرق ود عينها من ود عينو رجافة

المزمل حمي
جفلت منو وقعت عندي صدرها يغلي ياأبو السرة

شفت
الينانكي فى ود عينها شلتها للبحر يمكن يغسل عينها من

اليانكي
فتنا الحجرة بالكتة وغطسنا مسافة تبقي قدر مسالك الريدة مالاقانا من

يغبانا في
البحر الفدر تحتاني ناس عارفها ناس عارفكا ناس عارفاني

ناديت
القعونج والبلطي قرقور السمك وداني لي دابي الخشش

نادينا عمال
الطمي

عمال الطمي
الصارقيل والقرموط ود الموية

فتنا عليها
كانت نايمة عجال البحر حارساها

كانت نايمة
بين حجرين وضل ساسوية وعمال الطمي الصحونا لمو حصا البحر قسمو

هو يات من
كان سبع جمرات دابي الخشة قال أدوها للجمرات تلات سبعات

هي قلنا
أدوها أدوها في الجمرات تلات سبعات مسكنا دربنا عمال الطمي الصحوها خابرين الدروب مرقوبنا
فوق مشرع مسارب الضي لقينا الدينا تترجانا قوقا القمري

خوي صقير
وعوي حدي وعمال الطمي الصحونا لمو علي البعرف الصي

حصا القيزان
دوابي الدارقة والسحيلة

والناس
التحت

والناس
التحت خابرين عمايل اليانكي مرة معونة لللغاف ومرة دوانكي ش معناهو

جبا كان
كملوهو بوانكي صوتها مكتمو القربين سيوف وسوانكي

قولن للأخلو
ديار ودمك فرهد في نارو وغور في الأرض طارو صقرين ولادك الأرضى ماطارو لحمي غطي بن
عمي شو صار حالو يمي منديل العرض في بيت الدين دمي مايخلي دمي

إمنا من دير
ياسين صرنا في جزر التين عم نسقي بعض حب الزيتون بدو يرجع للطين

صابر فوف
الدورية صابر تحت الدورية ياحال الضد لحم الطفلين نابت غصن الحرية

جزري مو في
شاتيلا وماقال حالي ياويلا حنا في الأرض أرض فلسطين

يأمي هيلا
هيلا

وياأبو السرة
كج العين تخبر الشينة من الزين تفرز الطاري من الساري

ومدو صباعك
السبابي وقول للغافي هوي يازول هوي ياغافي يازول هوي

أرخي الغردة
للعنافي شد القمري بالحوباي

في مسدارنا
شلنا نهارنا في إيدينا من ساسو البحر عقدين مسكنا دربنا عمال الطمي الصحوها

خابرين
الدروب مرقوبنا في مشرع مسارب الضي لقينا الدينا تترجانا قوق القمري

خوي صقير
وعوي حدي وكنا جماعة دابات الأرض والسايمة وعوامة البحر والطير

وحتي الغيمة
قصاصة الاتر فوق راسنا شايفة الدرب ضنيب اليانكي

قال القمري
للضليلة :خليك صاحية زوغ اليانكي لا يودرنا قال الدابي :إن يغباها ما يغباني

ولما الشم
مودعة غاربة وصلت جملة الصقار عيونن كاربة :أبقو ألف بفوت للمتكلم ناهضين وفوق
ديناب عريبا غادي قال السحلي :لا نغشاهم ديل عربان توابع اليانكي قال الجمع: لا نغشاهم ديل عربان توابع اليانكي

خلوها
العريبة الغايبة السراق طبيقو معاهو تيجا عروشها الخروع الهش العويش النار تلعب فوق
عقال العرش ولا خسانا بي هادي العروش الهربة ياأبو السرة لا عقال

مسكنا دربنا
عمال الطمي الصحونا خابرين الدوروب مرقوبنا من وادي الضلمة الكان عقب ولمينا في
باقي الجمع قاصين دريب اليانكي سنور الغيب في الكنقو وصبرة من جنوب امريكا

من كلهاري
ديبا ضاري والتمساح وليد امزون ونمرا في النمور كمبودي وام رخم الله مكسيكية

لم لميمنا
والشمس البتوقد فوقنا لي يوم سوقنا شدا شديدنا لا تمثال مشيل روقنا عالم حر يدوعل
فوقنا

لي يوم
سوقنا بنبزق فيهو في ود عينو جر واسوقنا

ياشمس طلي
طلي شاوري ع بيتي دلي كيال الكيل ختياري مات ظلي عم يحرس ظلي عادل علي خيي

ميلي خيي ما
يحمل شيلي ماخف الشيل ثاني المرات ناطر رصاصي سيلي عيني في الفيل ماضله كنا ندري
من ضله ياويل الويل نرمي الجمرات عد المستشهد كلا.

من طرف **alburhan** الأربعاء ديسمبر 02, 2009 7:04 pm

[ندعوك للتسجيل في المنتدى أو التعريف بنفسك لمعاينة هذه الصورة]
بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
ونــعــطــر حــبــر الــكــلــمــات بــالــمــســك والــعــنــبــر

ونــنــتــظــر الإبــداع مــع نــســمــات الــلــيــل
وســكــونــه

لــتــصــل هــمــســات قــلــمــك إلــى قــلــوبــنــا
وعــقــولــنــا

نــنــتــظــر بــوح قــلــمــك

تحيـــاتي
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **الهجام** الأربعاء ديسمبر 02, 2009 10:48 pm

أخي
اسمح لي بأن أحييك .. وأرحب بك
فكم يسرنا ويسعدنا انضمامك لعائلتنا المتواضعة

التي لطالما ضمها منتدانا الغالي على قلوبنا

وكم يشرفني أن أقدم لك .. أخـوتنا وصداقـتـنا
التي تتسم بالطهر والمشاعر الصادقة
التي تنبع من قلوب مشرفيّ وأعضاء
هذا المنتدى السامي

أهــلا بك ومشكور علي القصيدة

من طرف أحمد ودالأحمر الخميس ديسمبر 03, 2009 1:17 am

شكراً ليكم يا راقين

من طرف الأســـمر الخميس ديسمبر 03, 2009 5:21 am

الف الف مرحب الاخ احمد
نورت المنتدى وإن شاء الله تكون اضافة خير
على هذا المنتدى
في انتظارك وإنتظار مايبدع به قلمك

من طرف أحمد ودالأحمر الخميس ديسمبر 03, 2009 8:58 pm

مشكوور يا باشا

ترحيب ياأسياد البلد

ترحيب ياأسياد البلد

رد: ترحيب ياأسياد البلد

رد: ترحيب ياأسياد البلد

رد: ترحيب ياأسياد البلد

رد: ترحيب ياأسياد البلد

رد: ترحيب ياأسياد البلد